El vienres 16 de setiembre, a les 18:00 hores, fadráse nel Patiu del CCAI la presentación de la novela de Pilar Sánchez Vicente Operación Drácula. Nesta obra afayamos la descripción y denuncia d’una lacra como ye la prostitución, en particular la qu’exercen les moces forzaes por xente ensin escrúpulos. Xunto al claru componente social de la hestoria, hai una trama policial bien llevada, de corte clásicu, y qu’enterrellaciona perbien col aspectu anterior.
Pilar Sánchez Vicente (Xixón, 1961), ye documentalista. Llicenciada en xeografía y hestoria pola Universidá d’Uviéu. Fizo la so memoria de llicenciatura sobro La condición jurídica de la mujer en la Edad Media. Ye autora de Breve historia de Asturias (Ayalga, 1986; VTP, 2006). Tien, amás, numberoses publicaciones sobro documentación, mocedá y turismu. Foi guionista de varios programes de TVE n’Asturies. Ye autora igualmente de les noveles Comadres (KRK, 2001), Gontrodo, la hija de la luna (KRK, 2005) y La diosa contra Roma, publicada por Roca Editorial.
Tien presentao en L’Arribada Breve historia de Asturias y La diosa contra Roma.
Pa más información:
Blogue personal de Pilar Sánchez Vicente
Entrevista en Historias de la Historia
arribada.wordpress.com 