Humberto Gonzali, nuevu presidente de L’Arribada

Releva na responsabilidá a Alberto Álvarez Peña, que fuera’l presidente dende xunu de 2008
HUMBERTO GONZALI (fonte Wikipedia)
HUMBERTO GONZALI (fonte Wikipedia)

L’Asociación Cultural L’Arribada ta acabante d’escoyer como presidente nuevu a Humberto Gonzali, escritor y xestor cultural nacíu en Figareo (Mieres), amás d’autor de guiones cinematográficos,  traductor y especialista del sector audiuvisual, que foi miembru de Conceyu Bable y profesor d’asturianu.

En 1985 nómenlu secretariu de la Xunta pola Defensa de la Llingua Asturiana, coordinando daquella numberoses acciones de protesta pola denegación de derechos llingüísticos, destacando les promovíes ante la sanción al factor de FEVE de Nava por usar la toponimia tradicional. Xunto con Juan Bonifacio Lorenzo Benavente y Xicu Monteserín fundó en 1988 Orbayando, revista asturiana d’información, que codirixe’til l’añu 1990.

Nel 1990 creó con otros autores asturianos l’asociación Escritores y Traductores en Llingua Asturiana (ETLLA) de la que foi’l so presidente. Promovió la IV Xunta d’Escritores Asturianos celebrada en Villaviciosa en 1996, y promovió y foi’l coordinador de la V Xunta d’Escritores Asturianos fecha en Lluanco en 1998.

En Xixón forma parte del Conseyu Asesor de la Llingua Asturiana dende 2008, foi miembru de la xunta rectora de la Fundación Municipal de Cultura, Educación y Universidá Popular (2005-2015) y asesor municipal nel Ayuntamientu (mandatu 2007-2011). Foi miembru de númberu de representación nel Real Institutu d’Estudios Asturianos (periodu 2007-2012)

En 2006 crea ya impulsa L’Arribada como foru lliterariu y cultural, siendo dende 2008 el so coordinador d’actividaes na Vagamar, nes xonaes lliteraries del Arcu Atlánticu y na Semana Negra, asina como nos actos entamaos nos conceyos de Bimenes, Caravia, Castrillón, Colunga, Corvera, Santiso d’Abres y Villaviciosa.

Como narrador, tien asoleyao los llibros de relatos Anatomíes de la mañana (1995) ya Histories escabroses (2002). Y como poeta, los poemarios Augua d’invocación (1988), Poemes en prosa (1992), Hábitat azul (1995), Ámbitu elemental (1997), Del país de la caliza (1997), Les esferes del tiempu (1998), De nueche y agua (2000), Tiempu de nós (2001) y Decenariu (2005). Tien traducío del francés y del catalán a los escritores François Sautereau y Maria Barbal. Como traductor audiuvisual versionó n’asturianu los diálogos de 16 doblaxes, ente ellos los de los llargumetraxes One-Eyed Jacks y Dirty Harry, qu’emitiera delles vegaes la Televisión del Principáu d’Asturies. La so obra atópase tamién en revistes lliteraries y en 28 llibros colectivos.

Humberto Gonzali anicia esta etapa na presidencia cuando L’Arribada cumple los sos diez años primeros d’actividá y ábrense estayes per onde l’asociación nagua por crecer.

ENLLAZOS VENCEYAOS
Europa PressHumberto Gonzali, nuevu presidente de L’Arribada
Europa PressHumberto Gonzali, nuevo presidente de L’Arribada
La Vanguardia: Humberto Gonzali, nuevo presidente de L’Arribada
El ComercioLa asociación cultural L’Arribada nombra como presidente a Humberto Gonzali
El ComercioHumberto Gonzali, nuevo presidente de L’Arribada
AsturnewsL’Arribada escueye a Gonzali de presidente
La nueva EspañaHumberto Gonzali, al frente de “L´ Arribada”
biblioasturias.com: Humberto Gonzali, nuevu presidente de L’Arribada
El digital de Asturias: Humberto Gonzali, nuevu presidente de L’Arribada
Candás 365 noticiasHumberto Gonzali, nuevo presidente de L’Arribada
lainformacion.comHumberto Gonzali, nuevo presidente de L’Arribada
GenteHumberto Gonzali, nuevo presidente de L’Arribada
ElDía.esHumberto Gonzali, nuevo presidente de L’Arribada
ElEconomista.esHumberto Gonzali, nuevo presidente de L’Arribada
teinteresa.esHumberto Gonzali, nuevo presidente de L’Arribada
20 minutosHumberto Gonzali, nuevo presidente de L’Arribada
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s