Convocaos los Premios Timón 2015

pt2

El 10 d’ochobre abrióse la convocatoria de los Premios Timón 2015 entamaos pola Asociación Cultural  L’Arribada. Les candidatures, razonaes, puen ser presentaes por una persona o un colectivu nes señes de corréu electrónicu de l’asociación: larribada@gmail.com,’til’l 10 de xineru de 2015.

Los Premios Timón destínense a reconocer la trayectoria lliteraria de los escritores d’Asturies.  Pa esta edición, nes estayes lliteraries, opten a los gallardones los/es escritores que nacieren nel añu 1.965 o antes. Trátase del IX Premiu Timón, p’autores en llingua asturiana y n’eonaviego, y del VI Premio Timón, p’autores asturianos en llingua castellana.

Igualmente, prémiase tamién a asociaciones, sociedaes y fundaciones con sede n’Asturies que tengan como fin la conservación y promoción de la identidá cultural de nueso, per aciu del III Premiu Timón de Cultura Asturiana.

Yá llegaren a l’asociación delles propuestes. Lurdes Álvarez, Cristina Muñiz Martín, Esther Prieto, Xosé Miguel Suárez, Berta Piñán, Esther García López y Belén Rico pal IX Premiu Timón; Fulgencio Argüelles, Pilar Sánchez Vicente, Francisco Álvarez Velasco, Pepe Monteserín, José María Ruilópez, Ángel García Prieto y Herme G. Donis, pal VI Premio Timón. Pal III Premiu Timón de Cultura Asturiana nun se presentaren candidatures tovía.

P’alcordar los gallardones l’asociación convocará trés xuraos, ún por cada modalidá, formaos por persones venceyaes a la cultura y la lliteratura del país. Estes distinciones, consistentes nuna obra del escultor y ceramista xixonés Jesus Castañón pa cada premiu, entregaránse mientres la cellebración de la décima edición de L’Arribada.

Los ganadores anteriores fueron, del Premiu Timón, Nené Losada Rico (2007),  Xuan Xosé Sánchez Vicente (2008),  Manuel García ‘El Galano’ (2009), Roberto González-Quevedo (2010), Vicente García Oliva (2011),  Antón García (2012), Miguel Rojo (2013) y Xosé Bolado (2014); del Premio Timón, Luis Fernández Roces (2010),  Juan Méjica (2011),  Fernando Menéndez (2012), Gonzalo Suárez (2013) y Carmen Ruiz-Tilve; y del Premiu Timón de Cultura Asturiana l’Asociación Cultural Ensame Sidreru (2013) y la Xunta pola Defensa de la Llingua Asturiana (2014).

Advertisements

One comment

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s