TPA emite güei la so primer película doblada al asturianu

Güei, a les 22:30 hores, emitiráse per TPA el doblaxe n'asturianu de la película El rostru impenetrable (One-Eyed Jacks, 1961), realizáu por Gonzali Producciones.

L’Academia de la Llingua Asturiana fizo l’asesoramientu llingüísticu.

Esta primera emisión en TPA d’un llargumetraxe dobláu a la llingua asturiana’tis frutu de la collaboración ente Gonzali Producciones y la canal televisiva autonómica. Dirixíu y producíu por Illán Gonzali, cuenta con un repartu de más de venti actores de doblaxe, ente ellos Carlos Novoa (Marlon Brando), José Antonio Lobato (Karl Malden), Ana Blanco Rozada, Ana Díaz Morán, Andrés Presumido, Carlos Alba, Alberto Rodríguez, Silvino Torre, Lluis Antón González, Olga Cuervo, Eladio Sánchez, Verónica Gutiérrez, Marisa López Diz, Ángel Héctor Sánchez, Norberto Sánchez, Carlos González, Begoña Faro, Mario Artidiello, Samuel Gradín, Hugo García, Carlos Rodríguez, Jéssica de la Paz, Xulián García y Fernando de Luxán.

El rostru impenetrable tien una duración de 145 minutos y ta interpretáu por Marlon Brando, Karl Malden, Pina Pellicer, Katy Jurado, Ben Johnson, Slim Pickens,Larry Duran, Sam Gilman, Timothy Carey, Miriam Colon, Elisha Cook Jr., Rodolfo Acosta y Hank Worden. Foi la única película dirixida por Marlon Brando. En 1961 tuvo nominada al Oscar na categoría de Meyor Fotografía (collor) y llogró la Concha d’Oro a la meyor película nel Festival de San Sebastián.

SINOPSIS:                                                                 

Tres d’atracar un bancu fronterizu Rio vese traicionáu por Dave, el so meyor amigu y compañeru de correríes. Apresáu polos rurales mexicanos pasa cinco años nel presidiu de Sonora d’onde escapa pensando en vengase. Al poco alcuentra a Dave, qu’agora’tis un home respetable y sheriff de Monterrei.

ENLLAZ VENCEYÁU: Illán Gonzali: “Nos faltaba este paso de un filme clásico doblado al asturiano para TV”

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s