L’asociación Ensame Sidreru gallardonada col primer Premiu Timón de Cultura Asturiana

la sidra

L’asociación cultural Ensame Sidreru ye la ganadora del I Premiu Timón de Cultura Asturiana convocáu por L’Arribada p’asociaciones, sociedaes y fundaciones con sé n’Asturies, que tengan como fin la conservación y promoción de la identidá cultural del país y qu’empleguen la llingua asturiana nes sos actividaes, según alcuerdu d’un xuráu aconceyáu güei en Xixón y formáu por Mayte González, David M Rivas, Carlos Espina, Aurora García Rivas y  presidíu por Humberto Gonzali.

Nesta edición primera taben nominaos, amás de l’asociación ganadora, Sociedad Humanitarios de San Martín, Fundación Belenos, Asociación Cultural San Tirso del Eo, Tertulia Cultural El Garrapiellu, Fundación Caveda y Nava, Sociedad Popular y Cultural La Regalina  y Xunta pola Defensa de la Llingua Asturiana.

El xuráu quier destacar los trabayos de l’asociación premiada na difusión de la sidra y de los elementos culturales que-y son propios, faciendo reconocencia especial a una de les sos actividaes, la publicación dende l’añu 2003 de la revista mensual La Sidra, iniciativa editorial billingüe que llegó esti mes al númberu 116 y vien recoyendo, en más de cien páxines y con tiraes de miles d’exemplaes, noticies d’actualidá, reportaxes, información d’echadores y concursos, entrevistes a llagareros y hosteleros, recetes y tou aquello que se venceya al mundu sidreru.

El gallardón del premiu consiste nuna obra del escultor y ceramista xixonés Jesus Castañón, que s’entregará mientres la cellebración de la Vagamar 2013, el viniente sábadu 28 de setiembre, nun actu onde tamién van entregase’l VII Premiu Timón pa escritores n’asturianu y eonaviego, ganáu por Miguel Rojo, y el IV Premio Timón pa escritores asturianos en castellanu, llográu por Gonzalo Suárez.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s