Miguel Rojo llogra’l VII Premiu Timón

INFOASTURIES

L’escritor tinetense Miguel Rojo ye’l ganador del VII Premiu Timón, convocáu por L’Arribada p’autores en llingua asturiana y n’eonaviego, según alcuerdu d’un xuráu aconceyáu güei en Xixón y formáu por Xurde Morán, Roberto González-Quevedo, Antón García, Aurora García Rivas y Humberto Gonzali.

Nesta edición del Premiu Timón optaron a los gallardones escritores que nacieren nel añu 1.963 o anteriormente. La distinción pal ganador consiste nuna obra del escultor y ceramista xixonés Jesus Castañón, que s’entregará mientres la cellebración de L’Arribada 2013, el viniente sábadu 28 de setiembre.

Miguel Rojo (Zarracín, Tinéu, 1957)’tis un escritor qu’escribe n’asturianu y n’español. Afáyase ente los más destacaos representantes de la lliteratura del Surdimientu y tien obra publicao en cuasi tolos xéneros. Ye autor de Histories d’un seductor. Memories d’un babayu , novela que llogró ún de los mayores éxitos de ventes de la lliteratura asturiana. Doctor en bioloxía, dedícase a la enseñanza como profesor d’institutu.

El 1988 consiguiera’l Premiu Xosefa Xovellanos de novela con Asina somos nós . El so llibru siguiente foi una colección de relatos titulada Tienes una tristura nos güeyos que me fai mal (1989). Tien escrito tamién lliteratura infantil y poesía. Amás, ún de los sos relatos llevóse al cine nel curtiumetraxe Xicu’l topeiru, de Gonzalo Tapia. En 2005 y 2008 algamó’l Premiu de la Crítica d’Asturies en Poesía y Lliteratura Infantil respectivamente, polos llibros LLaberintos y El viaje de Tin y Ton.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s