Jules Verne centrará l’actividá de les Xornaes Lliteraries nel Arcu Atlánticu

INFOASTURIES

Jules Verne centrará l'actividá de les Xornaes Lliteraries nel Arcu Atlánticu

L’Asociación Cultural L’Arribada va ser la responsable de les Xornaes Lliteraries del II Festival Arcu Atlánticu, que se desarrollará en Xixón ente’l 26 de xunetu y el 4 d’agostu.

El II Festival Arcu Atlánticu va a tar dedicáu esti añu a la ciudá de Nantes. Pola mor d’ello, l’escritor Jules Verne conviértese nuna figura central de bien d’actividaes mientres la selmana na que s’ofrecerá información’bout la lliteratura francesa y asturiana, xunto con propuestes venceyaes nos ámbitos del cine, el teatru y la música.

Dos xornaes analizarán el tratamientu de la obra verniana nel séptimu arte y les traducciones d’ésta al asturianu, en concretu de los títulos “L’eternu Adán”, “Los solevaos del Bounty” y “La vuelta al mundu n’ochenta díes”. Una tercera xornada enfotaráse en dar a conocer la vida y el patrimoniu creativu d’esti autor per aciu d’un averamientu al Musée Jules Verne. Amás d’ello, la organización de les xornaes abrió dos espacios n’internet onde espublizar conteníos’bout Verne y dar anuncia de los actos entamaos alrodiu d’él nel Festival; la bitácora JULES VERNE en Xixón y una páxina homónima enfacebook.

El restu les xornaes axunta un programa ampliu formáu por tertulies lliteraries, presentaciones de llibros d’autores franceses, asturianos y vascos, proyecciones de filmes de realizadores asturianos y películes doblaes o sotitulaes na nuesa llingua, conciertos, actuaciones teatrales, un cursu de declamación y la II Xeremandía nel Botánicu (alcuentru de poetes y rapsodes d’Asturies y País Vascu), ente más otro.

La mayoría de les actividaes van facese en carpes allugaes n’El Muelle (Puertu Deportivu de Xixón) y nel Centru de Cultura Antiguu Institutu.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s