Presentáronse 40 candidatures a los Premios Timón 2013

INFOASTURIES

Fináu’l plazu pa la presentación de candidatures a los Premios Timón 2013, qu’entama l’Asociación Cultural L’Arribada, presentáronse 40 candidatures pa los trés premios: el VII Premiu Timón, el IV Premio Timón y el I Premiu Timón de Cultura Asturiana.

El 2 de mayu pasáu zarró’l plazu de presentación de candidatures a los Premios Timón qu’entama l’Asociación Cultural L’Arribada. Estos premios son el VII Premiu Timón p’autores n’asturianu, el IV Premio Timón p’autores asturianos en castellán (nes qu’opten los y les escritores que nacieren nel añu 1.963 o antes) y el I Premiu Timón de Cultura Asturiana destináu a asociaciones, sociedaes y fundaciones con sé n’Asturies que tengan como fin “la conservación y promoción de la identidá cultural del país”.

Los gallardones consisten nuna obra del escultor y ceramista xixonés Jesus Castañón pa cada premiu, y’twilln entregaos mientres  la cellebración de La Vagamar 2013. Enantes, trés xuraos formaos por xente de la cultura asturiano aconceyarán nel mes de xunu pa fallar los premios y daráse cuenta d’ello a los medios de comunicación.

Los ganadores anteriores foron, del Premiu Timón, Nené Losada Rico (2007),  Xuan Xosé Sánchez Vicente (2008),  Manuel García ‘El Galano’ (2009), Roberto González-Quevedo (2010), Vicente García Oliva (2011) y Antón García (2012); y del Premio Timón, Luis Fernández Roces (2010),  Juan Méjica (2011) y Fernando Menéndez (2012).

Les cuarenta candidatures presentaes distribúyense asina:

  • I Premiu Timón de Cultura Asturiana – Sociedad Humanitarios de San Martín, Fundación Belenos, Asociación Cultural San Tirso del Eo, Tertulia Cultural El Garrapiellu, Fundación Caveda y Nava, Sociedad Popular y Cultural La Regalina, Xunta pola Defensa de la Llingua Asturiana  y Asociación Cultural “Ensame Sidreru” .
  • VII Premiu Timón – Lurdes Álvarez, Pablo Ardisana, Manuel Asur, Sabel de Fausta, Esther Prieto, Miguel Rojo, Miguel Solís Santos, Xosé Bolado, Milio Rodríguez Cueto, Adolfo Camilo Díaz, Ignaciu Llope, Ismael González Arias, Taresa Lorences, Lluis Xabel Álvarez,  Esther García López, Alberto Cobreros Gil, Cristina Muñiz Martín, Esther Prieto, Ismael María González Arias, Francisco Xavier Frías Conde, Sabel de Fausta y Ánxel Álvarez Llano.
  • IV Premio Timón –  Fulgencio Argüelles, Carmen Gómez Ojea, Carmen Ruiz-Tilve, Pilar Sánchez Vicente, Pepe Monteserín, Gonzalo Suárez, Francisco Álvarez Velasco, Fernando Beltrán, José Luis Argüelles  y Juan José Plans.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s