Presentaes cuarenta candidatures pa les trés estayes de los Premios Timón

ASTURIES.COM

L’Asociación Cultural L’Arribada zarró’l 2 de mayu pasáu’l plazu pa la presentación de candidatures a los Premios Timón.Un total de cuarenta coleutivos y escritores aspiren a recibir el gallardón nes sos trés estayes mientres La Vagamar.

Esti añu va ser la primer vegada que s’entregue’l Premiu Timón de Cultura Asturiana, destináu a asociaciones, sociedaes y fundaciones con sé n’Asturies que tengan como fin la conservación y promoción de la identidá cultural del país. Xunto a esti gallardón va concedese’l l VII Premiu Timón p’Autores en Llingua Asturiana y n’Eonaviego y el IV Premio Timón p’Autores Asturianos en Llingua Castellana, dambos p’autores nacíos nel añu 1963 o enantes. Los ganadores, que se conocerán en xunu tres el fallu de los trés xuraos especializaos, van llevar una obra del escultor xijonés Jesús Castañón. Ésta va entregase nun actu mientres La Vagamar 2013, l’actividá setembrina de L’Arribada.

Los candidatos al I Premiu Timón de Cultura Asturiana son la Sociedad Humanitarios de San Martín, la Fundación Belenos, l’Asociación Cultural San Tirso del Eo, la Tertulia Cultural El Garrapiellu, la Fundación Caveda y Nava, la Sociedad Popular y Cultural La Regalina, la Xunta pola Defensa de la Llingua Asturiana y l’Asociación Cultural Ensame Sidreru. Mientres, Lurdes Álvarez, Pablo Ardisana, Manuel Asur, Sabel de Fausta, Esther Prieto, Miguel Rojo, Miguel Solís Santos, Xosé Bolado, Milio Rodríguez Cueto, Adolfo Camilo Díaz, Ignaciu Llope, Ismael González Arias, Taresa Lorences, Lluis Xabel Álvarez, Esther García López, Alberto Cobreros Gil, Cristina Muñiz Martín, Francisco Xavier Frías Conde, Sabel de Fausta y Ánxel Álvarez Llano, conformen la llista d’autores qu’aspiren al VII Premiu Timón p’Autores en Llingua Asturiana y n’Eonaviego

Por último, Fulgencio Argüelles, Carmen Gómez Ojea, Carmen Ruiz-Tilve, Pilar Sánchez Vicente, Pepe Monteserín, Gonzalo Suárez, Francisco Álvarez Velasco, Fernando Beltrán, José Luis Argüelles y Juan José Plansforon propuestos pal IV Premio Timón p’Autores Asturianos en Llingua Castellana. Los vencedores nes ediciones anteriores d’estos gallardones foron los siguientes: Nené Losada Rico (2007),  Xuan Xosé Sánchez Vicente (2008),  Manuel García ‘El Galano’ (2009), Roberto González-Quevedo (2010), Vicente García Oliva (2011) y Antón García (2012), nel casu d’autores n’asturianu; y Luis Fernández Roces (2010), Juan Méjica (2011) y Fernando Menéndez (2012), nel d’escritores en castellanu.

Jules Verne, núcleu lliterariu del Festival Arcu Atlánticu

Les Xornaes Lliterarias del II Festival Arcu Atlanticu, que va tener llugar en Xixón ente’l 26 de xunetu y el 4 d’agostu, va xirar alredor del escritor Jules Verne, coincidiendo con que Naunnt, ciudá a la que ta dedicada esti añu’l certame, ye’l llugar de nacencia del escritor. La organización tamién va correr a cargu de L’Arribada.

Mientres la selmana va ufrise información sobre la lliteratura francesa y asturiana, con tertulies lliterarias y presentaciones de llibros, ensin dexar de llau les manifestaciones n’otros ámbitos, como’l cine, el teatru o la música. Amás de divulgar la vida y obra de Verne, va analizase’l tratamientu de los sos llibros nel ‘sétimu arte’, en concreto de los títulos ‘L’eternu Adán’, ‘Los solevaos del Bounty’ y ‘La vuelta al mundu n’ochenta díes’, asina como les sos traducciones al asturianu. La mayoría de les actividaes van facese en carpes allugaes n’El Muelle (Puertu Deportivu de Xixón) y nel Centru de Cultura Antiguu Institutu.

Hai que destacar que la organización ta acabante d’abrir dos espacios n’Internet con motivo de les xornaes: la bitácora ‘Jules Verne en Xixón’ y una páxina homónima en Facebook.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s