ARRIBADA 2012 (PER ASTURIES): Proyección de LOS VIAXES DE GULLIVER nel Valey de Castrillón

Mañana, martes 9 d’ochobre, a partir de les 11,30 hores, va proyectase nel teatru del Centru Cultural Valey de Piedras Blancas (Castrillón) el llargumetraxe dobláu al asturianu LOS VIAXES DE GULLIVER. Esti actu’tis una iniciativa conxunta de Gonzali Producciones, l’Asociación Cultural L’Arribada y la conceyalía de Cultura del Ayuntamientu de Castrillón.

Los viaxes de Gulliver (Gulliver’s Travels) foi’l primer llargumetraxe d’animación producíu polos Estudios Paramount, y tamién foi’l primer film d’esti xéneru que nun taba venceyáu a los Estudios Disney.

La película dirixóla Dave Fleischer y producióla’l so hermanu Max Fleischer, dos pioneros del cine animáu que nos años cuarenta fueron mui populares polos sos curtiumetraxes de Superman.

Los guionistes Dan Gordon, Cal Howard, Tedd Pierce, Edmond Seward y Izzy Sparber encargáronse de treslladar a la gran pantalla una parte de la novela de Jonathan Swif, centrada na aventura de Gulliver nel país de Lilliput.

Los animadores emplegaron la técnica del rotoscoped en determinaes escenes, aportando un notable realismu al film, que tien una estupenda calidá d’animación y un bon tratamientu del collor.

Na estaya musical’tis destacable la banda sonora de Victor Young y que-y valieren a la película dos nominaciones a los Oscar a Meyor banda sonora y Meyor canción orixinal (pol tema “Faithful Forever”).

SINOPSIS: El barcu nel que viaxa Gulliver naufraga y la mar arrástralu a la costa del país de Lilliput, un llugar habitáu por unos homucos  perpequeños. Al desconsonar, Gulliver descubre que’tis prisioneru d’estos entrañables seres. Por embargu, cuando la princesa de Lilliput y el príncipe d’un reinu vecín tán a piques de casar, entama una absurda guerra ente dambos pueblos y Gulliver tendrá d’usar el so inxeniu pa salvar la ceremonia.

Enllaz a la ficha técnica del filme

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s