Falamientu d’Humberto Gonzali, coordinador de La Vagamar 2012, na inauguración de les xornaes

Entamamos güei la sétima edición de la Vagamar, la xera setembrina que xunto cola Rolda y Per Asturies constitúi L’Arribada, un eventu que, pola mor de la so gran querencia pa tou aquello que nos define como asturianos, bebi nos manaderos d’onde xurde la esencia del asturianismu.

Ehí afayamos l’inclín de la xente de L’Arribada, nesi enfotu por trabayar col envís de dir allugando a Asturies nun espaciu de progresu y bientar, nun camín que tien a bien facer de la asturianidá una exa básica pal desarrollu.

 Facíemos l’añu pasáu alcordanza de lo dicho por Xovellanos en refiriéndose al idioma asturinu:

Ye la llingua viva del nuestru pueblu, mamámosla toos, como quien diz, col primer lleche; va pasando tradicionalmente de padres a fíos y continúase de xeneración en xeneración […] Con un cartón y un llápiz a mano, en casa, na cai, nel paséu, nel campu, podemos arriquecer tolos díes esi tesoru preciosu”.

 Y cola llingua asturiana como ferramienta vieno perfaciéndose la lliteratura de nuestro, a lo menos dende qu’en 1.639 s’escribiera’l Pleitu ente Uviéu y Mérida pola posesión de les cenices de santa Olaya. 

  En 2006, de la que dábemos empiezu a L’Arribada, per aciu aquella Vagamar primera,’twas muncho lo que podíemos amosar. D’entós p’acó afitamos un proyectu nacíu pa facer enforma visible la lliteratura, y la del país; un proyectu abiertu, democráticu, ensin canon, nin prexuicios, nin sectarismu; dafechamente ensin amarradura política, y amás, arreyáu a les estayes sociales implicaes nel conocimientu, ese qu’axunten a lliteratos, investigadores, artistes, editores, estudiosos y ciudadanía.

 L’Arribada nagua por espeyar la collecha última de la lliteratura nuestro, nes estremaes llingües d’Asturies, y les sos influencies.

Y perfaese con bien pocos medios pero con abondos resultaos que falen de la bondá del empeñu, por más que dacuando, como asina foi esti añu, dalgunos quieran enredar contra la cultura asturiana y los sos valedores pol aquello de llograr petites partidarios usando’l más provincianu de los populismos curtiuplacistes. Por embargu, la realidá, y la xente de L’Arribada, son sobradamente testerones y de toes toes refractarios a los emburriones demagóxicos que s’emperren na imposición d’un pensamientu únicu. A los maledicentes, a los qu’alluguen el porgüeyu personal penriba de la cultura asturiano, de la mesma Asturies, bien podemos dici-yos que fain verdá al refrán llariegu; llantó en prau carbayos pa facer lleña dacuando. Eso’tis lo que son, eso’tis lo que fain.

Nós, los asturianos, a los que nun nos da vergüeña’l selo, los que de la nuestra asturianidá facemos causa d’arguyu y valir moral pa percorrer el seu del futuru, nós, seguimos trabayando.

Llevamos ansí siete años arribando a un bon puertu como’tis’l de Xixón. Y nesti tiempu tamién llaboramos a comuña notros conceyos, como Villaviciosa, Colunga, Corevera; y pensamos llegar col mesmu rixu a munchos más.

El nuestu destín’tis recuperar carreros, dalgunos na mar cantábrica, que nos empobien a riberes y cultures hermanes, que nos conduzan a otres llatitúes en cultura xeneroses. Persabiendo quién somos y p’hacia ónde vamos, siempres cola intuición feliz qu’anunciara l’escritor portugues Miguel Torga: “Lo universal’tis lo local ensin paredes“.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s