El 30 d’esti mes zarra’l plazu pa presentar candidatures a los Premios Timón

El 30 d’abril viniente zarrará’l plazu de presentación de candidatures pa los Premios Timón 2012 entamaos por L’Arribada, y que puen presentar una persona o un colectivu nes señes de corréu electrónicu de l’asociación: larribada@gmail.com.

Pa esta edición, opten a los gallardones los/es escritores que nacieren nel añu 1.962 o anteriormente. Trátase del VI Premiu Timón, p’autores en llingua asturiana y n’eonaviego, y del III Premio Timón, p’autores asturianos en llingua castellana.
P’alcordar los gallardones, l’asociación convoca dos xuraos, ún por cada modalidá, formaos por persones venceyaes a la cultura del país. Estes distinciones, consistentes nuna obra del escultor y ceramista xixonés Jesus Castañón pa cada premiu, entregaránse mientres la cellebración de L’Arribada 2012.
Les candidatures presentaes’til agora son:
Pal VI Premiu Timón; Manuel Asur, Sabel de Fausta, Joaquín Fernández García,  Antón García, Miguel Solís Santos, Ignaciu Llope, Miguel Rojo y Ánxel Álvarez Llano .
Pal III Premio Timón; Fernando Menéndez, Carmen Gómez Ojea, Carmen Ruiz-Tilve, Pilar Sánchez Vicente, Pepe Monteserín, Fulgencio Argüelles, Francisco Álvarez Velasco y Fernando Beltrán.
D’ente les candidatures llegaes, los xuraos de cada categoría escoyerán una terna d’ónde se decidirá la que sía ganadora.
Los ganadores anteriores del Premiu Timón fueron Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010) y Vicente García Oliva (2011); y los del Premio TimónLuis Fernández Roces (2010) y Juan Méjica (2011).
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s