Presentación del llibru “Les gaites” de Daniel García de la Cuesta

El prósimu sábadu día 24 de marzu, a les 19,30 h., nel salón d’actos del CCAI, na cai Institutu 21, de Xixón, celebraráse la presentación del llibru tituláu LES GAITES.  Nesti llibru espéyase’l resultáu d’un trabayu d’investigación, fechu por Daniel García de la Cuesta,’bout un instrumentu tradicional usáu n’Asturies y n’otros munchos llugares, la gaita. L’actu presentarálu Fonsu Fernández García, Direutor del Muséu de la Gaita de Xixón, y darréu l’autor del llibru falará del so trabayu acompangáu d’una amuesa d’imáxenes que valdrán pa ilustrar el desendolque del estudiu fechu.

Amás d’afondar nel conocimientu y usu de la gaita, y d’otros instrumentos utilizaos ya dende la prehestoria astur, trátase nesta xera, d’edición billingüe n’asturianu y castellanu, de dir a la gueta del orixen y desendolque de los instrumentos que lleven el nome de gaita y d’otros colos que tán venceyaos a lo llargo de la hestoria musical, tantu de los que lleven fuelle como de los que non, como los auloi, launeddas, albokak, etc. Pa ello, faise un estudiu’bout les sos etimoloxíes, oríxenes, posible espardimientu, el so usu antiguu y el d’anguaño, les sos formes, el so venceyamientu con otros instrumentos usaos en diferentes dómines y llugares del mundiu, y tou ello ilustrao con más de 500 imáxenes.
Esti’tis un trabayu que marca un puntu de referencia pa toes aquelles persones interesaes nel estudiu d’esti ámbitu musical, al identificar dalgunes iconografíes escaecíes, apurrir nuevos datos y facer nueves llectures de los antiguos testos griegos y llatinos n’onde se documenta l’usu d’instrumentos de vientu, como les tibiae, litus, salpinx, cornu, tuba, etc. Compleméntase’l trabayu con un llistáu de bibliografía y señes de páxines d’interné pa que cualaquier persona pueda averase a la información consultada.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s