Carta del presidente de l’A.C. L’Arribada ante un artículu de Miguel Barrero

Alberto Álvarez Peña, presidente de l'Asociación Cultural L'Arribada

Ante l’artículu ‘Quién es quién en el FICX’  firmáu por Miguel Barrero, y como presidente de l’Asociación Cultural L’Arribada qu’apaez mencionada, prestaríame facer unes puntualizaciones. Esta asociación nun tien un res que ver nel nomamientu de Jesús Parrado nel nuevu equipu del FICX.

Desconozo qué lleva al autor de dichu artículu a buscar escures trames ya influencies, a nun ser que Jesús Parrado participó en dalguna mesa redonda nes actividaes entamaes por L’Arribada. Al igual que’l mesmu Miguel Barrero fizo con fecha de 19 de setiembre de 2006, ya inclusu Ramón Lluís Bande con fecha 26 de setiembre de 2006, 22 de setiembre de 2007 y 24 de setiembre de 2009. Recordemos qu’esti cineasta tamién’tis ún de los firmantes del manifiestu a favor del ex director del FICX, José Luis Cienfuegos. Asina que nun veo que se pueda achacar a la organización del nuestru certame lliterariu que namás recurra a ‘un sector del asturianismu’.

Xixón’tis una ciudá pequeña abondo pa que nos conozamos toos y el fechu de coincidir nuna sidrería o nun actu públicu, pa dir a la gueta conexiones, dista munchu de ser un exerciciu de periodismu d’investigación y aseméyase más a un pastiche de la prensa rosa, a la que la televisión basoria nos tien avezos.

Llamento l’enrarecimientu de les relaciones culturales que se ta dando na ciudá y que paez querer apoyar una teoría conspiranoica.

Dignificar la llingua asturiana, dar a conocer la lliteratura y la cultura autóctona’tis lo que nos anima a seguir trabayando nesta asociación ensin ánimu de lucru. A tou esto, seguir usando los términos ‘aldeano’, ‘boina’ y ‘madreña’ con matices despectivos diz bien poco a favor del nivel intelectual del que lo usa.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s