Ácabó’l versionáu n’asturianu de “Popeye y les 1001 nueches”

 

Acaba terminase‘l doblaxe n’asturianu de la película Popeye y les 1001 nueches. Esti  versionáu  ta formáu por trés partes que se rodaren en Technicolor: Popeye the Sailor Meets Sindbad the Sailor (1936), Popeye the Sailor Meets Ali Baba’s Forty Thieves (1937) y Aladdin and His Wonderful Lamp (1939). A igual que’l clásicu Los viaxes de Gulliver, la película producióla Max Fleischer.
El repartu de dobladores d’esta película ta formáu, nos papeles principales, por:
Lara Herrero
Actriz, cantante pop y directora d’escena titulada na ESAD, 2009. Con Producciones Nun Tris, s.l. participa como actriz en “Tempus fugit” y “El criáu de dos amos”. Dirixe, tamién pa la misma compañía “Un viaje al exterior”. Pa Gonzali Producciones fai de actriz de doblaxe en “Popeye y les 1001 nueches”
Norberto Sánchez
Actor, habitual de la Compañía Asturiana de Comedias. Con Gonzali Producciones participa como actor de doblaxe en “El tercer home”, “Maclintock” y “Popeye y les 1001 nueches”.
Alberto Alvarez Peña
Dibuxante ya investigador de la cultura tradicional asturiana en tolos sos ámbitos. Habitual ponente en conferencies y narrador oral. Con Gonzali Producciones participa como actor de doblaxe en “La nueche de los muertos vivientes”, “Los viaxes de Gulliver”, “El tercer home”, “Popeye y les 1001 nueches” y “Maclintock”. Pa la productora Gonzali producciones perfai’l documental “La bruxa de Brañavara”.
Carlos González
Cantante, baxu nel Coru Cantábrico. Con Gonzali Producciones participa como actor de doblaxe en “Maclintock” y en “Popeye y les 1001 nueches”.
Antón Caamaño
Actor, presentador, cantante llíricu y director d’escena tituláu na ESAD, 2010. Dirixe en Producciones Nun Tris dellos espectáculos (ente ellos “Iphigenia” de Racine-Jovellanos, “Cocinando con Elisa” de M. Laragione, o la ópera de Mozart “Bastián y Bastiana”. Pa Gonzali Producciones participa como actor de doblaxe en “Los viaxes de Gulliver”, “El tercer home”, “Maclintock” y “Popeye y les 1001 nueches”. Dirixe’l doblaxe de “Maclintock” y “Popeye y les 1001 nueches”

El primer pase de Popeye y les 1001 nueches  n’asturianu va facese’l viniente xueves, 24 de payares, nel Aula Cultural La Plaza de Sotrondio, a partir de les 7 la tarde. Esta proyección’tis frutu d’un alcuerdu ente la Conceyalía de Cultura de Samartín del Rei Aurelio y Gonzali Producciones.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s