Samartín presenta un ciclu de cine n’asturianu con cuatro clásicos

Humberto Gonzali, Gema Suárez, Hugo Cortina y Illán Gonzali, na presentación del ciclu.

RTPA n’asturianu

La Conceyalía de Cultura de Samartín del Rei Aurelio presentó’l xueves 10 de payares el Ciclu de Cine n’Asturianu, que se va poner en marcha esti mes al traviés de la Oficina de Normalización Llingüística y dientro de que van proyectase cuatro películes doblaes al asturianu. La iniciativa’tis frutu d’un alcuerdu con Gonzali Producciones, que s’encargó de los doblaxes.

El ciclu va abrise cola proyección, el martes 15 de payares, a les 19:00 hores, n Casona del Bravial de Blimea, d’El tercer home, película del director británicu Carol Reed protagonizada por Orson Welles nel añu 1949.

Les dos películes siguientes son d’animación y tán inxertaes tamién dientro de la programación de les X Xornaes de Lliteratura Infantil y Xuvenil. La primera d’elles’tis Los viaxes de Gulliver, del añu 1939, y que supunxo la estrena de los Estudios Paramount na producción de películes d’animación. Va poder vese na Casa de la Cultura de L’Entregu, el 17 de payares, a les 19:00 hores. El segundu llargumetraxe’tis Popeye y les mil y una nueches, que se va proyectar nel Aula Cultural La Plaza de Sotrondio’l xueves 24 de payares a les 19:00 hores.

Va pesllar el Ciclu de Cine n’Asturianu la película McLintock, estrenada nel añu 1963 y protagonizada por John Wayne y Maureen O’Hara. Va poder vese na Casona del Bravial de Blimea’l xueves 1 d’avientu a les 19:00 hores.

La Oficina de Normalización Llingüística de Samartín del Rei Aurelio quier, con esta iniciativa novedosa, averar la llingua asturiana al públicu pente medies del sector audiovisual y cinematográficu. Na presentación del ciclu tuvieron presentes Illán Gonzali, realizador de cine y televisión y responsable de la productora, y Humberto Gonzali, en categoría d’asesor llingüísticu, xunto a Gema Suárez Torre, conceyala de Cultura, y Hugo Cortina Fanjul, responsable de la Oficina de Normalización Llingüística.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s