Ana Cano: “Una lliteratura, si nun tien llectores, val mui poco”

Asturies.com. Setiembre 10, 2011 por Pablo R. Guardado

Ana María Cano sorrayó na inauguración de Vagamar 2011, l’actividá setembrina de L’Arribada, la necesidá de reforzar l’enseñu y normalización del asturianu p’asegurar el so futuru. La presidente de l’ALLA reclamó que se cumpla la Llei d’Usu.

L’arribada de los escritores y un pasucais, dende’l muelle al Centru de Cultura Antigüu Institutu, de la Banda de Gaites Corvera d’Asturies dio aniciu’l vienres a la primer xornada de Vagamar. L’actu d’inauguración contó cola presencia d’Ana María Cano; Carlos Rubiera, conceyal d’Educación, Cultura, Mocedá y Festexos; Xosé Nel Riesgo, direutor de la Fundación Municipal de Cultura, Educación y Universidá Popular; Alberto Álvarez Peña, presidente de l’Asociación Cultural L’Arribada; y Humberto Gonzali, coordinador de Vagamar, que llamaron a los xixoneses y a tolos asturianos a disfrutar del programa ampliu d’actividaes preparáu pola organización’til’l domingu próximu.

Ente toles actividaes, Cano fixó l’atención en dos que considera enforma importantes: los alderiques’bout la normalización llingüística nos conceyos (güei, a les 17 hores) y el de la lliteratura infantil n’asturianu (llunes, a les 20.30 hores). “Pa una llingua’tis importantísimo contar con una lliteratura. Necesita escritores, que yá los tenemos y a los qu’hai qu’agradecer el llabor que faen, y testos. Nós tenemos una lliteratura de calidá reconocida”, destacó la presidenta de l’ALLA, que darréu reclamó la necesidá de formar llectores. “Una lliteratura, ensin llectores, val mui poco”, aseguró, polo que llamó al públicu y a los políticos presentes nel salón d’actos del Antigüu Institutu a trabayar nel enseñu y normalización del idioma.

“Nuna situación diaglósica como la que vive l’asturianu’tis necesaria una escolarización seria, rigurosa y xeneral en llingua asturiana” y contar con un profesoráu “que pueda trabayar con dignidá”, pa lo que reclamó la creación de la especialidá de Llingua Asturiana. “Nun’tis de recibo que la titulación de Llingua Asturiana sía una profesión regulada por llei y que llueu’l Gobiernu nun la reconoza”, criticó. D’igual forma, fixo referencia a la necesidá de trabayar na normalización social del asturianu, dalgo de lo que “toos somos responsables”, pa depués eloxar el trabayu que se ta faciendo dende los conceyos, “como’tis’l casu de Xixón”. Por último, Cano pidió’l cumplimientu de la Llei d’Usu “p’avanzar’til la batalla final y algamar la oficialidá”.

Referencia a Xovellanos

El restu d’intervenciones foron más breves que la de la presidente de l’ALLA. Gonzali recordó a Xovellanos nel segundu bicentenariu de la so muerte y lleó unes pallabres del xixonés en referencia al asturianu: “Ye la llingua viva del nuestru pueblu, mamámosla toos, como quien diz, col primer lleche; va pasando tradicionalmente de padres a fíos y continúase de xeneración en xeneración […] Con un cartón y un llápiz a mano, en casa, na cai, nel paséu, nel campu, podemos arriquecer tolos díes esi tesoru preciosu”. Darréu, el coordinador de Vagamar destacó’l crecimientu de la nuesa lliteratura nes cuatro décades últimes y el fechu de la creación de L’Arribada nel 2006. “D’entós p’acó afitamos un proyectu nacíu pa facer enforma visible la lliteratura, y la cultura, construyíes cola llingua del país; un proyectu abiertu, democráticu, ensin canon, nin prexuicios, nin sectarismu; arreyáu a les estayes sociales implicaes nel conocimientu, onde’tis posible la participación de lliteratos, investigadores, artistes, editores, estudiosos y ciudadanía”, señaló.

Álvarez Peña, pela so parte, destacó que’l festival lliterariu “ta fechu con muncho cariñu y poco presupuestu”, y llamó al públicu “a disfrutar” de toles actividaes y a “participar nelles”, mentes que Riesgo recordó la idea que llevó a la creación de L’Arribada: “Queríamos facer un certame lliterariu ensin sectarismos”, afirmó. Por último, Rubiera tamién fixo memoria y contó los sos anicios “na casa que fundó Xovellanos” como profesor d’asturianu de la Universidá Popular “nel aula 1, enrriba d’onde tamos agora”. “Yera’l primer maestru con contratu”, señaló, pa recordar depués a “Manolín Quirós, que tocaba la gaita nesti mesmu llugar”. “Aquello que se semó dende’l 75 ta dando los sos frutos”, continuó en referencia al trabayu que fixeron los asturianistes dende la creación de Conceyu Bable y que tien reflexu n’actividaes como L’Arribada, “manifestación cultural que se fai con amor y 12.000 euros”.

Llectura de microrrellatos

Tres la inauguración tuvo llugar la primer actividá de Vagamar 2011, un homenaxe a la narrativa del sieglu XXI que consistió na llectura de microrrellatos n’asturianu, col acompañamientu musical de Pindi Díaz, por parte de representantes políticos y sociales. Les persones participantes foron Carlos Rubiera (FAC); Pilar Fernández Pardo (PP), conceyala; José Ramón Tuero (PSOE), conceyal; Manuel Pecharromán (PP), conceyal; Esther García López (IX), conceyala de Cultura y Educación del
Ayuntamientu de Castrillón; Ana María Cano; Xosé Nel Riesgo; María Xosé Rodríguez, responsable de la Oficina Municipal de la Llingua; Xurde Blanco, secretariu del Aconceyamientu de Xuristes pol Asturianu; Xuan Xosé Sánchez Vicente, escritor ganador del premiu Timón 2008; Jesús Parrado, críticu cinematográficu y direutor del festival ‘Peor…¡Imposible!’; Eduardo Zulaiba, párrocu de Morea; Ángel Terán, diseñador d’interiores; José Rogelio Álvarez Hevia, asesor fiscal; Humberto Gonzali, xestor cultural; y Antón Caamaño, actor.

Pa zarrar la xornada tuvo llugar la proyeición de la película ‘El tercer home’ (‘The third man’), doblada al asturianu por Gonzali Producciones.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s