Vicente García Oliva gana’l V Premiu Timón

Vicente García Oliva

Aconceyáu esti miércoles, 3 d’agostu, un xuráu formáu por don Alberto Álvarez Peña, don Fernando de la Fuente , doña Aurora García Rivas, don David M Rivas, y presidíu por don Humberto Gonzali, alcordó conceder el V Premiu Timón p’autores en llingua asturiana y eonaviego al escritor don Vicente García Oliva.

El gallardón consiste nuna pintura cerámica obra del artista xixonés Jesús Castañón, que va ser entregada nun actu que forma parte de la programación de L’Arribada 2011, el viniente 17 de setiembre.

Vicente García Oliva nació en Xixón nel añu 1944. Cursó estudios de profesor mercantil. Foi ún de los fundadores de Conceyu Bable nel conceyu xixonés. Ye miembru de númberu de l’Academia de la Llingua Asturiana, onde dirixe la Coleición Lliteratura Xuvenil. Forma parte del conseyu de redacción de la revista Lliteratura.

García Oliva’tis integrante destacáu de la primera xeneración del Surdimientu y autor d’una numberosa obra lliteraria onde figuren los siguientes títulos:

Títulos de lliteratura infantil y xuvenil – Les aventures de Xicu y Ventolín (1982), La bruxa Pumarina y el Dragón Maragatu (1983 y 2004), Xicu y Ventolín en vacaciones (1984), Fontenebrosa: El reinu de los Silentes (1984 y 1992), Delfina la ballena cantarina (1986), Memoria de los Cimeros (1986), Diariu d’Enol (1988), El mercaderu de tormentes (1993), Muerra la Reina de Corazones (1996), Eso… de la Mitoloxía Asturiana (1998, edición n’asturianu y en castellán), Los camientos de Deva y Xulián (1998), El barco de los locos (2004, en castellán), La fada que nun quixo ser fada (2005), ¡Alabín, bon, ban…! (2006), Relato de las aventuras de Inés Saldaña y de cómo ayudó a Colón a descubrir América (2006, en castellán), Elemental, querida Lisa (2007), Garulla. Antoloxía del ritmu (2007), El Club Social d’Altos Vuelos (2007).

Lliteratura p’adultos – L’aire de les castañes (1989), El norte (1991), Aventura humana y lliteraria al rodiu de don Enrique García Rendueles (1992), A simple vista (2001), Constelaciones (2002), El ríu soterrañu (2003), El síndrome de Scherezade (2011).

Los ganadores anteriores del Premiu Timón fueron Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009) y Roberto González-Quevedo (2010).
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s