Juan Méjica llogra’l II Premio Timón p’autores asturianos en castellán

Juan Méjica

Aconceyáu’l sábadu 30 de xunetu en Xixón/Xixón un xuráu formáu por doña Aurora García Rivas, doña Carmen Rueda, don Xosé Nel Riesgo, doña Mariam Suárez, y presidíu por don Humberto Gonzali, alcordó conceder el II Premio Timón p’autores asturianos en castellán al escritor don Juan Méjica.

El galardón consiste nuna pintura cerámica del artista xixonés Jesús Castañón y va ser entregáu’l próximu 17 de setiembre, nun actu que forma parte de la programación de L’Arribada 2011.

Juan Méjica (Navia,1956),’tis xeógrafu, historiador, xurista y urbanista. Ye autor de más de 70 llibros monográficos, de temes xurídiques y ensayos’bout arte, lliteratura, turismu, desenvolvimientu sostenible, arquitectura, viaxes y fotografía. Ye autor tamién de dos innovadores llibros de poesía, “Voces iluminadas” y “El Ego español es más grande que diez plazas de toros”.

Preside la Fundación Méjica, dirixe la editorial Ojo x Hoja, la revista de reflexión y espresión “La Manzana de las Luces”, asina como les colecciones monográfiques “Asturias, Paraíso Cultural” y “Asturias Estética”.

Doctor, profesor de la Universidú d’Uviéu y de los Cuerpos Superiores d’Administradores (excedente) y de Lletraos de l’Administración de la Seguridá Social. Como espertu en Derechu Sanitariu y miembru d’estremaes Sociedaes Profesionales del Derechu contribuyó a esparder especialmente’l Derechu Sanitariu nel mundu de los xuristes y de los médicos. Por ello, recibió ente otres la Cruz Distinguida de San Raimundo de Peñafort y’tis sociu d’honor de la “Asociación Internacional de Expertos en Derecho del Trabajo «Profesor Alonso Olea»”, al igual que de Laboral 2000. Tamién foi nomáu Caballero de la Real Orden de Yuste (2007) y Vaqueiro de Honor (2008).

Como artista la so trayectoria figura a lo menos nuna docena de llibros dedicaos monográficamente a la so obra y personalidá, y con calter xeneral pue atopase na Enciclopedia General Larousse, na Enciclopedia Asturiana, nel Diccionario Forum Artis, ente otres publicaciones. Fizo múltiples esposiciones individuales y colectives n’España y nel estranxeru (Estaos Xuníos, Países Baxos, Bélxica, Francia, Alemania y Suiza), tamién executó varios murales, escultures y conxuntos escultóricos de grandes dimensiones pa diversos llugares públcios. Ye autor del parque escultóricu “Yacimiento de la Memoria Rural”, en Bustiello d’Ayones (Valdés). Igualmente ilustró dellos llibros (Juramento Hipocrático; Beato de Oviedo; Canciones de Vida, Amor y Muerte, etc.). Dirixó, diseñó y presentó’l proyectu Creaciones para el Paraíso Natural, qu’integra arte, economía, mediuambiente…, na llinia de César Manrique.

Por esti trabayu artísticu y cultural, foi Pregoneru y Fíu Adoptivu de varies localidaes asturianes. Ta propuestu pa la Gran Cruz de la Orden de Alfonso X el Sabio.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s