Zárrase la presentación de candidatures a los Premios Timón con un total de 22 propuestes

 

Semeya del actu d’entrega del I Premio Timón a Luis Fernández Roces. De derecha a izquierda, l’autor gallardonáu, Aurora García Rivas, Humberto Gonzali, Jesús Castañón y Consuelo Vega.
Ayeri, 6 de mayu, zarró’l plazu de presentación de candidatures pa los Premios Timón 2011 entamaos por L’Arribada, y que podíen presentales una persona o un colectivu nes señes de corréu electrónicu de l’asociación: larribada@gmail.com.
Pa esta edición, opten a los gallardones los/es escritores que nacieren nel añu 1.961 o anteriormente. Trátase del V Premiu Timón, p’autores en llingua asturiana y n’eonaviego, y del II Premio Timón, p’autores asturianos en llingua castellana.
P’alcordar los gallardones, l’asociación convocará dos xuraos, ún por cada modalidá, formaos por persones venceyaes a la cultura del país. Estes distinciones, que consisten nuna obra del escultor y ceramista xixonés Jesus Castañón pa cada premiu, entregaránse mientres la cellebración de L’Arribada 2011, dientro de la so estaya Vagamar, que va desarrollase del 9 al 17 de setiembre en Xixón.
Les candidatures presentaes son:
Pal V Premiu Timón; Ánxel Álvarez Llano, Lurdes Álvarez, Pablo Ardisana, Manuel Asur, Sabel de Fausta, Joaquín Fernández García,  Antón García, Vicente García Oliva, Ismael María González Arias, Cristina Muñiz Martín, Esther Prieto, Miguel Rojo, Luis Salas Riaño, Miguel Solís Santos y Alfonso Velazquez.
Pal II Premio Timón; Fulgencio Argüelles, José Luis Argüelles, José Luis García Martín, Carmen Gómez Ojea, Ricardo Labra, Juan Méjica y Carmen Ruiz-Tilve.
Los ganadores anteriores del Premiu Timón fueron Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009) y Roberto González-Quevedo (2010); y el del Premio Timón, Luis Fernández Roces (2010).
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s