>Colunga proyecta la versión n’asturianu de «La nueche de los muertos vivientes»

>

“Night of the living dead” (La nueche de los muertos vivientes)
El vienres 5 de payares, a les 19:40 hores, la Sala Loreto de Colunga va acoyer la presentación-proyección de la primer película doblada al asturianu. Trátase del clásicu de cine de terror La nueche de los muertos vivientes, dirixida en 1968 por Geroge A. Romero.
La iniciativa de doblar esti filme al asturianu corrió a cargu de la Productora Gonzali Producciones y fíxose nel estudiu CMG de Xixón. De la traducción del guión encargóse un grupu de persones procedentes del ámbitu de la cultura asturiana que trabayaron cola intención de llograr un llinguaxe cinematográficu inspiráu nel espíritu de la versión orixinal. Na execución del doblaxe y na so post-producción participó un equipu de venti persones (catorce dobladores, un director de doblaxe, un asesor llingüísticu, un técnicu de realización, un técnicu de soníu y dos editores d’audiu y videu) que trabayaron a lo largo de dos meses.
La productora, dirixida pol realizador Illán Gonzáli, tien intención d’entamar el doblaxe de más títulos, lo que sería la continuación a les versiones n’asturianu (subtitulaes o rotulaes) que fixo de películes fundamentales del cine mudu como Nosferatu, El gabinete del Dr. Caligari, El Golem, etc.
La nueche de los muertos vivientes ta considerada un clásicu del cine universal que dio orixe al subxéneru de zombis. La proyección va presentala Alberto Álvaez Peña, miembru de l’asociación L’Arribada.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s