«La Trastá» xube a escena en Xixón

El vienres 24 de setiembre, a les 19:30 hores, nel CMI L’Arena de Xixón, la Compañía Asturiana de Comedies va poner n’escena la obra La Trastá, de la que’tis autor Arsenio González, del qu’esta mesma compañía ya fixo montaxes de testos suyos como Los figos de San Miguel, La declaración y El tramposu. La Trastá’tis una comedia na que se retrata con gracia y estilu a unos personaxes de los que surden escenes de muncha comicidá. Con unos diálogos y situaciones naturales dafechu, ensin esparabanes artificiosos que busquen impresionar al gran públicu, trátase d’una comedia mui asturiana y que gusta a tolos públicos. Tien, amás, la participación d’un elencu artísticu numberosu: Pili Ibaseta, Arsenio González, Belén Sánchez, Josefina García, Norberto Sánchez, Armando Felgueroso, Manuel Aller, Mar Buelga, Iván Fernández, María Luisa Argüelles, Carla Prieto, José Manuel González y Sergio Buelga. El responsable de la escenografía, dirección y montaxe’tis Eladio Sánchez.
La Compañía Asturiana de Comedies lleva cuasi dende primeros del sieglu XX representando situaciones gracioses que retraten prototipos costumistes d’Asturies; primero a los clásicos asturianos, depués obres de creación propia.
La representación enmárcase dientro de los actos de L’Arribada nesa xornada, y previamente (17:30 hores) van presentase los llibros Oh 36! y Poison, de Lluis Portal Hevia, y El enigma del palacio de Bao, d’Elma S. Vega. A les 18:30 hores va entamase un homenaxe a l’actriz Aurora Sánchez.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s