«L’Arribada» acaba

RTPA estaya d’asturianu

L’alcuentru lliterariu L’Arribada, qu’estos díes d’atrás vieno desenvolviéndose en Xixón, llega esti sábadu 25 al final. Con bien d’actos (presentaciones de llibros, meses redondes, esposiciones, representaciones teatrales, proyecciones…) esti alcuentru o «vagamar lliteraria» creóse hai unos años col oxetivu de divulgar la creación y la producción cultural en llingua asturiana.
Los actos previstos pa la ultima xornada, nel Centru de Cultura Antiguu Institutu, principien a les 18:00 hores cola presentación d’una novela tan exitosa como La bufanda (que rellata’l mundu de los ultres de fútbol) cola presencia del so autor, l’escritor y periodista candasín David Artime. Depués d’ellos va entamase una mesa de tertulia col títulu Muertos vivientes na lliteratura el y el so treslláu al cine. Pa lo último (18:30 hores), va proyectase la película Night of the living dead (La nueche de los muertos vivientes, en versión n’asturianu);’tis ésti’l primer llargumetraxe dobláu a la llingua asturiana.
Otra manera, la sección Per Asturies de L’Arribada va desenvolvese nes próximes selmanes en Corvera (5 y 7 d’ochobre), Colunga (5 de payares) y Villaviciosa (27 de payares).
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s