Luis Fernández Roces gana’l I Premiu Timón pa escritores asturianos en llingua castellana

RTPA estaya d’asturianu

Un xuráu integráu por Luis Argüelles, José Marcelino García, Aurora García Rivas, Humberto Gonzali, Fernando Menéndez, David M. Rivas y Milio Rodríguez Cueto, alcordó por unanimidá otorgar el I Premio Timón, p’autores asturianos en llingua castellana, al escritor Luis Fernández Roces.
Esta distinción, que consiste nuna obra del escultor y ceramista xixonés Jesús Castañón, va entregase nun actu entamáu pal 23 de setiembre, a les 20:00 hores, nel xixonés Centru Municipal Integráu de L’Arena, nel marcu d’actividaes de L’Arribada 2010. La entrega del gallardón va tar acompañada cola actuación del Cuartetu Antolín de la Fuente.
Luis Fernández Roces nació en Pumarabule (Siero) en 1935. Crióse en Carbayín (Siero) y reside en Xixón. Ye autor de les noveles El Buscador (Premio Novelas y Cuentos, 1977), La Borrachera (Premio Asturias, 1982), Diálogo del éxodo (Premio Casino de Mieres, 1986), El paraje escondido (Premio Alfonso García Ramos, del Cabildo Insular de Tenerife, 1988), La arena de los ciclos (Premio Torrelavega, inédita), y de los llibros de narrativa curtia De algún cuento a esta parte (Biblioteca Cajastur, 1990) y Ageón (Ediciones Trea, 2001). Estes dos últimes publicaciones recueyen obres qu’algamaren premios tan relevantes como los siguientes: Hucha de Oro, Ciaño, Lena, Ciudad de Villajoyosa, Ignacio Aldecoa, La Felguera, Caja de Ahorros de León y Sara Navarro. Dellos de los sos cuentos tán recoyíos en Pequeña antología de cuentistas contemporáneos (Universidad del Valle, Colombia 1975), Cuentos de autores asturianos, de María Elvira Muñiz (Ayalga, 1978), Antología de cuentistas contemporáneos, de Francisco García Pavón (Editorial Gredos, 1984) y Cuento español de posguerra, de Medardo Fraile (Cátedra, 1994). Tamién tien publicaos los poemarios Viejos Materiales (2006) y Letras de cambio (2009).
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s