Celia González y Hervè Perochon actúen na «Arribada 2010»

RTPA estaya d’asturianu

Celia González
El sábadu 18 de setiembre, a les 19:30 hores, nel Centru de Cultura Antiguu Institutu de Xixón, na primer xornada del alcuentru lliterariu-cultural Arribada 2010, va actuar el dúu formáu pola Celia González Baschwitz (gaita rabil) y el bretón Hervè Perochon (dulcimer).
Celia González lleva 25 años dedicándose al estudiu y adaptación del repertoriu asturianu a la gaita rabil. Estudió pianu n’Uviéu y perteneció bien d’años al Coru Universitariu d’Uviéu col director Luis Gutiérrez Arias. Afondó na so formación como rabilera con profesores como Mauricio Martinotti, Valentín Clastier, Gilles Chavenat y Patric Boufart, ente más otros. Responsable del grupu Muyeres, dirixó la parte vocal na obra Kelthiké de Ramón Prada. Tien participao n’abondes grabaciones como zanfonista o como cantante y panderetera. Grabó los discos Coloradina la guinda (2004) y Cantoras ya Bordones (2008).
Hervè Perochon principió bien ceo a tocar la bombarda (instrumentu de vientu bretón) y, atrayíu pola gaita escocesa, formó parte de la banda de gaites Bagad de Guingamp. Lleva 30 años tocando’l dulcimer. N’Asturies interesóse pol acordión diatónica y les cuyares. Collaboró con Celia González na grabación de los sos dos discos.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s