Principia l’Arribada 2010

RTPA estaya d’asturianu

L’alcuentru lliterariu Arribada 2010 principia’l sábadu 18 de setiembre, nel Puertu Deportivu de Xixón, cola llegada d’escritores y el pasacáis cola Banda de Gaites Corvera d’Asturies. A lo llargo d’una selmana van socedese les presentaciones de llibros, tertulies, conferencies y la estrena de la primer película doblada al asturianu, La nueche de los muertos vivientes.
Esi mesmu día, nel Centru de Cultura Antiguu Institutu, principien les actividaes cola proyección del documental A bruxa de Brañavara y un homenaxe a la poesía asturiana. El primeru, dirixíu por Illán Gonzali y col asesoramientu d’Alberto Álvarez Peña, cuenta cómo n’Asturies había homes y muyeres que teníen el don de ver a los muertos y falar con ellos. Tamién podíen ver a la Santa Compañía ensin que-yos pasara nada y los entierros de xente prematuramente; en cásique tolos conceyos asturianos había dalgún personaxe d’estos. Amparo, más conocida como A bruxa de Brañavara, nació nel conceyu de Bual, onde muncha’tis la xente que tovía s’alcuerda d’ella o tien sentío falar de los sos socedíos. En cuantes al homenaxe a la poesía asturiana (sieglos XIX y XX), lleva por títulu De los ochocentistes a la xeneración de la postguerra. Nel trescursu d’él van lleese testos por representantes sociales y políticos, amás d’haber una actuación de Celia González (gaita rabil) y Hervè Perochon (dulcimer).
D’ente los actos d’esta Arribada 2010 destaquen la entrega del Premiu Timón al escritor Roberto González-Quevedo y l’homenaxe a l’actriz Aurora Sánchez, al que va siguir la representación de La trastá, d’Arsenio González, de la Compañía Asturiana de Comedies.
Advertisements

One comment

  1. >Espléndido trabajo de Berto Peña e Illán Gonzali. No sólo hay sensibilidad por nuestra cultura, también encontramos en él buen oficio, tanto en el contenido del tema que respeta íntegra la forma de contar de los entrevistados, como en realización del documental. Enhora buena a los dos y también a los organizadores de este evento cultural que crece cada año en calidad y en cantidad de participantes.

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s