ARRIBADA 2010 (Vagamar): Presentación del llibru de Javier Cubero ‘Del romanticismu al rexonalismu: escritores carlistes na lliteratura asturiana’

Esti ensayu de Javier Cubero presentaráse’l 23 de setiembre, a les 19 hores, nel Centru Municipal Integráu de L’Arena, en Xixón. Del romanticismu al rexonalismu: escritores carlistes na lliteratura asturiana llogró’l II Premiu Fierro Botas que convoca l’Ayuntamientu xixón per aciu de la so conceyalía de Cultura Tradicional y ta asoleyáu por Ediciones Trabe .
El repasu del autor al carlismu y al asturianismu (enllenu de datos y noticies nueves y de xuicios novedosos) tien nel llibru’l propósitu de pone-y marcu a un tema principal de calter lliterariu: trátase de reivindicar la pertenencia carlista –en graos estremaos de compromisu sigún época y persona– de cuatro conocíos escritores de les lletres asturianes, que son Xuan M.ª Acebal, Manuel Fernández de Castro, Enrique García-Rendueles y Fernán-Coronas, el padre Galo Fernández.
Javier Cubero de Vicente nació na villa de Xixón nel añu 1986. Siendo estudiante d’Historia foi representante d’alumnos na Comisión de Cultura de la Facultá de Xeografía y Historia d’Uviéu. Militante del movimientu de reivindicación llingüística dende l’añu 2004, ye presidente del Atenéu Cultural Xuan María Acebal.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s