>Hemeroteca: ‘L’Arribada 2006 va midir la salú actual de la lliteratura asturiana’

Humberto Gonzali
Los escritores van xuntase en Xixón pa falar de temes como’l viaxe, la creatividá, l’erotismu o la gastronomía
LES NOTICIES, 8 d’ochobre 2006
Ente los díes 23 y 29 d’ochobre el Centru de Cultura Antigu Institutu de Xixón va ser la sé oficial de la celebración de l’Arribada 2006, una xunta d’escritores asturianos entamada pola Asociación d’Escritores Asturianos, cola colaboración de la Oficina de Política Llingüística del Principáu d’Asturies, la Oficina Municipal de la Llingua, la Fundación Municipal de Cultura y Universidá Popular y la Sociedá Mixta de Tiurismu del Ayuntamientu de Xixón. Esta cita pretende ser, en palabres d’ún de los sos promotores, el poeta Humberto González, «un alcuentru abiertu, dinámicu y modernu, onde les palabres van allugase na mar xeneroso de la lliteratura asturiana. A lo llargo de siete díes escritores, investigadores y editores, van afondar nes circunstancies qu’arrodien a la nuestra lliteratura, nos so problemes de desarrollu y espardimientu y na so evolución». Esti nuevu alcuentru de los escritores en llingua asturiana, nun se va acercar al panorama lliterariu actual d’una manera xeneral, sinón que’l so programa ta dixebráu en grupos temáticos’bout los que se van desarrollar conferencies y meses redondes posteriores. Amás d’esto, que va ser la espina dorsal del alcuentru, tamién se van celebrar diferentes presentaciones que cola colaboración de les principales editoriales (Ámbitu, Trabe y VTP) van dar a conocer les novedaes lliteraries de la temporada. Los temes escoyíos pola organización pa dibuxar el mapa de los «Nuevos rumbos de la lliteratura asturiana» son: los viaxes, l’erotismu, la gastronomía, el cine, la mar, l’ensayu y la creatividá.
 
Viaxes, etcétera
 
Una conferencia del escritor Xuan Santori, «Ulises en casa», va abrir oficialmente, el llunes 23 a les 19 hores, les xornaes de trabayu de l’Arribada 2006. El tema central de la comunicación’tis’l viaxe y pa completar la visión del autor de «La heredá» posteriormente va celebrase una mesa redonda cola participación d’Ismael María González Arias, Xosé Nel Riesgo y Milio Rodríguez Cueto. El segundu día’l tema central del alcuentru va ser l’erotismu. El políticu, profesor d’Economía y escritor, David Rivas, que ta acabante publicar el so primer llibru de relatos, «Xente de perende» (Trabe), dictará una conferencia titulada «El ratu y l’asturcón». La mesa redonda posterior va tar compuesta, amás de pol propiu ponente, polos tamién escritores Humberto González, Xosé María Vega Blanco y Frichu Yustas. Un recital de poesía abre les actividaes el miércones 25. Baxo’l nome xenéricu de «Voces poétiques na mar de San Llorienzo» va tar protagonizáu por L.luís Fernández, Inaciu Galán, Aurora García y Helena Trejo. El programa continúa con más poesía: la presentación de l’antoloxía «Na boca de toos», retratu poéticu actual del occidente asturianu preparáu por Aurora García Rivas y recientemente editáu pol Concello d’A Veiga. La conferencia d’esi día va tar centrada na gastronomía y el ponente va ser l’escritor y periodista vascu Hasier Etxebarría, acompañáu por David de Jorge. Darréu de la conferecia, que lleva por títulu «Lliteratura a la carta», va celebrase la mesa redonda’bout’l mesmu tema cola participación de Lluis Nel Estrada y Serxu Solares. La presentación del llibru que recueye los cuentos ganadores de la última edición del concursu entamáu pola Tertulia Cultural ElGarrapiellu, da pasu, el xueves 26 a les 18 hores, a la conferencia «La palabra filmada», na que l’escritor y cineasta Ramón Lluís Bande va acercase a la relación ente la lliteratura asturiana y la creación cinemagráfica. Depués va celebrase una mesa redonda cola participación de los cineastes José Braña y Juan Luis Ruiz y Rubén Cienfuegos. El programa del día ciérrase con una nueva presentación. Nesti casu la colección «Tiempu de cristal», editada pol Atenéu Obreru. Publicaciones Ámbitu, la empresa editora d’esti selmanariu, va ser la encargada d’abrir les actividaes el vienres día 27. A les 15 hores, aprovechará l’escenariu de l’Arribada pa presentar publicamente los seis nuevos númberos de la so colección de narrativa breve. A les 18 hores, Pilar Sánchez Vicente presenta’l so llibru «Historia breve d’Asturies», acabante d’aparecer n’asturianu y una hora más tarde va ser Xuan Xosé Sánchez Vicente l’encargáu d’introducir un nuevu tema: la mar. La so conferencia, «Mar, costes y homes na lliteratura asturiana», dira siguida d’una mesa redonda cola participación d’Ignaciu Llope, Xandru Martino y Xurde Morán. El sábadu 28’tis’l más cargáu d’actividá, amás de la presentación de la revista «Formientu» y d’un recital de poesía, van tocase tres temes importantes. A les 13 hores, la tertulia «Diccionarios y otros instrumentos del escritor», cola participación de Francisco Álvarez, David Guardado, Pablo Xuan Manzano y Xandru Martino; a les 16,30, Inaciu Iglesias dictará la conferencia «El nacionalismu, esi gran enemigu», siguida d’una mesa redonda cola participación de José María González, Lluis Portal Hevia y Roberto González. Otru de los «nuevos rumbos» analizaos va ser la creatividá. Berta Piñán falará d’ella na so conferencia «Inspiración y imitación», a la que va siguir una mesa redonda cola participación de Mª Esther Gracía, Pablo Rodríguez Medina y Xulio Vixil. A les 22,30 hores, l’Arribada viaxa’til la Sala Albéniz onde se celebra’l II Certame de Monólogu Modernu. El domingu 29’tis’l día de les conclusiones y la clausura.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s