Entregóse ayeri al investigador Fernán Gonzali Llechosa’l I Premiu d’Ensayu Emilio Trabanco

Al actu asistieron representantes de los trés grupos políticos del Ayuntamientu Xixón

Ayeri entregóse nel Llagar Trabanco’l I Premiu d’Ensayu ‘Emilio Trabanco Trabanco’ a Fernán Gonzali Llechosa, ganador del gallardón pol so trabayu Diccionariu de la sidre. El premiu quier reconocer aquelles obres d’investigación inédites venceyaes a la cultura sidrera asturiana y otórguenlu la revista La Sidra y el Grupo Trabanco.
El trabayu de Gonzali, que recueye más de 500 entraes con pallabres y espresiones sidreres, foi distinguíu por un xuráu que presidió David M Rivas, ente un númberu curiosu participantes tres valorar “la importancia que tien esta obra pa la documentación y recuperación de espresiones y dichos populares relacionaes cola cultura de la sidre”. El ‘Emilio Trabanco Trabanco’ d’ensayu axunta una dotación de 1.250 euros y un llote de llibros valoraos en 250, y tien apareyao la publicación de la obra.
La entrega del premiu contó cola presencia del ganador y de Llucía Fernández, directora de La Sidra, Samuel Trabanco, xerente del Grupo Trabanco y David M Rivas, presidente del xuráu. Taben presentes tamién Dulce Gallego, conceyala de Mediu Ambiente del conceyu Xixón, Jorge Espina, Asesor del grupu municipal d’IU-BA-Los Verdes, y Humberto Gonzali, Asesor del grupu municipal del Partíu Popular.
Llucía Fernández comentó l’enfotu de la revista La Sidra por “aumentar el conocimientu y la difusión de los estremaos aspectos de lo que se vien nomando ‘cultura asturiana de la sidre’”. Mientres, Samuel Trabanco recordó la figura del so güelu, Emilio Trabanco Trabanco, que da nome al premiu, y agradeció’l trabayu de Fernán Gonzalipor recuperar espresiones que de xuru’l mio güelu conocía que si ’tain’t por Fernán desapaeceríen”. David M Rivas destacó la importancia del premiu “nuna Asturies falta de sociedá civil, de ligazón ente les empreses y les entidaes culturales”, y centró la so intervención na necesidá de “salvar la nuesa cultura”, cada vuelta más influenciada polos términos castellanos procedentes del mundu vinícola. El premiáu, pela so parte, mostróse arguyosu “de ser el primeru en llevar un premiu d’ensayu d’un llagar” y dixo tar esperanzáu en que’l so trabayu “sirva pa remover les conciencies de los asturianos. Nun se pueen separtar los términos de la sidre de la llingua asturiana”.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s