>El documental «L’últimu chalgueiru» va contar la historia de los buscadores de tesoros asturianos

>

Illán Gonzali, realizador del documental

Estaya d’asturianu-RTPA. L’últimu chalgueiru’tis’l títulu d’un documental que ta acabando de rematase nestos díes y que va asoleyase a nun a tardar. Ye un productu d’una hora de duración que cuenta la historia de los buscadores de tesoros, tema mui recurrente nes lleendes asturianes. Testigos d’estes busques cuenten la so esperiencia, n’especial Emilio Fernández Cuervo, vecín de Sotu’l Barcu que dedicó gran parte de la so vida al llabor de chalgueiru, nome col que se conoz nel occidente del país a les persones que tán a la gueta d’ayalgues, y al que se-y dedica esti trabayu audiovisual que s’estrenare durante la xornada inaugural de l’Arribada 2009, el 18 setiembre del añu pasáu.

L’últimu chalgueiru’tis un documental de Gonzali Producciones. Ta dirixíu por Alberto Álvarez Peña ya Illán Gonzali, que tamién fixo’l montaxe. Rodáu per toa Asturies amuesa una gran cantidá de rexistros propios del patrimoniu llingüísticu asturianu. Participaron nel rodaxe, colos sos testimonios, amás d’Emilio Fernández Cuervo, Mª. Cruz Arenas, Pepe Veiga, Julián Menéndez García, José María Álvarez, Rogelio Álvarez Fernández, Amparo Pardo Rodríguez, Secundino González Suárez, Celestina Riesgo Castro, Lolu del Revel.lón, Alicia Rodríguez Pérez, José Antonio Lozano, Gabino María García, Abel Jardón Méndez, Jovino Iglesias, José Suárez Fernández y Arturo González Fernández.
Imprimir

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s