Presentación nel Centru Asturianu de Madrí del llibru de David M Rivas ‘LAS FIESTAS ASTURIANAS nuevas formas y viejos ritos’

El viniente miércoles 20 de xineru, a les 20 hores, va presentase nel Centru Asturianu de Madrí, allugáu na cai Farmacia 2, el llibru Las fiestas asturianas nuevas formas y viejos ritos, del escritor y directivu de l’Asociación Cultural L’Arribada David M Rivas. Amás de col so autor, l’actu de presentación contará coles intervenciones de los que’tweren miembros históricos de Conceyu Asturies de Madrí Antón Fuertes y Xosé María Rodríguez.

El llibru Las fiestas asturianas nuevas formas y viejos ritos, que cuenta con semeyes del fotógrafu Juanjo Arrojo Martínez, ta editáu por Picu Urriellu. Nesta obra dase cuenta de los ritos festivos presentes n’Asturies, y que presenten una gran diferencia en comparanza col restu de la península Ibérica, esistiendo una clara identidá colos cellebraos n’otros países de base celta, xermánica y escandinava. Na nuestra tierra’l sustratu arcaicu sigue perviviendo y d’esti mou los clicos festivos asturianos permanecieron fieles a la tradición, al tiempu que resistieron’til anguañu bailles y cancios de gran antigüedá, calteniendo dafechu la so pureza.

David M. Rivas nació na villa de Xovellanos en 1957. Ye doctor n’economía y profesor titular na Universidá Autónoma de Madrí. Tien fechos estudios de socioloxía y ta finando una tesis doctoral n’antropoloxía. Ta venceyáu a distintos centros docentes y d’investigación d’Europa y América. Ye miembru del Club de Roma y foi presidente d’Amigos de la Tierra y secretariu del Ateneo de Madrid. Ye autor d’una ventena de libros’bout les materies de la so especialidá académica, tanto d’estructura económico como de desarrollu caltenible. Comprometíu dende bien mozu cola recuperación llingüística y cultural d’Asturies foi unu de los fundadores de Conceyu d’Asturies de Madrí, pela fin de los setenta, ya ingresó en 1993 na Academia de a Llingua Asturiana. Publicó tamién los llibros La sidra asturiana. Bebida, ritual y símbolo (2001 y 2004) y Toponimia de la parroquia de Xixón (2007). Autor tardíu d’obres de ficción, foi finalista del concursu Oficialidá de Bimenes y del Arbidel de Ribeseya, esti últimu de temática erótico, en dambos casos en 2008. En 2006 publicó’l llibru de relatos Xente de perende y foi recoyíu nes antoloxíes Cinco minutos d’averamientu a la prosa asturiana moderna (2007) y Xixón de novela. Un percorríu lliterariu pela villa de les milenta histories (2007).
Imprimir

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s