Manuel Asur y Roberto González-Quevedo tán ente los candidatos al Premiu Timón

Les Noticies. Los Premios Timón 2010 tán convocaos dende mediaos del mes d’avientu pasáu y yá se presentaron ocho candidatures pa ellos. L’Asociación Cultural l’Arribada anunciara la convocatoria del IV Premiu Timón, p’autores en llingua asturiana y en gallego-asturianu, y del I Premio Timón p’autores asturianos en castellanu. Nel primer apartáu tán presentaes,’til agora, les candidatures de Pablo Ardisana, Manuel Asur y Roberto González Quevedo, mentes que na segunda tán les de Fulgencio Argüelles, Ángeles Caso, Luis Fernández Roces, Carmen Gómez Ojea y Gonzálo Suárez. Les candidatures pueden presentales una persona o un colectivu nes señes de corréu electrónicu de l’asociación (larribada@gmail.com),’til’l día 1 de mayu viniente.
Pa esta edición, opten a los gallardones los y les escritores que nacieren nel añu 1960 o anteriormente. P’alcordar el premiu, l’asociación va convocar dos xuraos, ún por cada modalidá, integraos por persones vinculaes a la cultura del país. Esta distinción, que consiste nuna obra del escultor y ceramista xixonés Jesús Castañón, va entregase na celebración de L’Arribada 2010. Los ganadores anteriores foron Nené Losada Rico (2007), Xuan Xosé Sánchez Vicente (2008) y Manuel García Galano (2009).
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s