Los Premios Timón yá cuenten con ocho candidatures

Los Premios Timón 2010 tán convocaos dende metanes del pasáu mes d’avientu y yá se presentaren ocho candidatures pa ellos. L’Asociación Cultural l’Arribada anunciare la convocatoria del IV Premiu Timón, p’autores en llingua asturiana y n’eonaviego, y del I Premio Timón p’autores asturianos en castellano. Les candidatures que se propusieren’til agora son les que vienen darréu:

IV PREMIU TIMÓN, Pablo Ardisana, Manuel Asur y Roberto González-Quevedo.

I PREMIO TIMÓN, Fulgencio Argüelles, Ángeles Caso, Luis Fernández Roces, Carmen Gómez Ojea y Gonzalo Suárez.

Les candidatures puen presentales una persona o un colectivu nes señes de corréu electrónicu de l’asociación: larribada@gmail.com,’til’l día 1 de mayu viniente.

Pa esta edición, opten a los gallardones los/es escritores que nacieren nel añu 1.960 o anteriormente. Al efectu de fallar el premiu, l’asociación convocante aconceyará dos xuraos , ún por cada modalidá, integraos por persones venceyaes a la cultura del país. Esta distinción, que consiste nuna obra del escultor y ceramista xixonés Jesús Castañón, entregaráse demientres la celebración de L’Arribada 2010. Los ganadores anteriores fueron, en 2007, Nené Losada Rico, en 2008, Xuan Xosé Sánchez Vicente y, en 2009, Manuel García ‘El Galano’.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s