Julio Sánchez destaca’l nivel de conservación de los instrumentos tradicionales de percusión

Europa Press (28/09/2009)
UVIÉU, 28 de Setiembre.
El músicu y musicólogu, Julio Sánchez, autor de la tesis doctoral ‘La percusión tradicional en la cornisa cantábrica’, destacó güei’l nivel de conservación de los instrumentos de percusión n’Asturies, tanto de los más conocíos como la pandereta, como otros más llocalizaos en puntos mui concretos de la xeografía, como la payel.la, típica de los conceyos vaqueiros.
Sánchez ofrecerá esta tarde una charra’bout esti tema, nel marcu de les xornaes culturales ‘L’Arribada 2009’. Enantes del entamu de la mesma, resumió la so intervención en declaraciones a Europa Press.
Asina foi enumberando los instrumentos qu’identifica y reseña na so tesis, dividíos nes dos vertientes identificaes polos alemanes Erich Moritz von Horbostel y Curt Sachs, na so tesis de 1914: los idiófonos y los membrófonos. Ente los primeros señaló los palos, les castañueles, les tarrañueles, el pitu o la payel.la. Ente los segundos, mencionó’l tambor, el bombu, la pandereta, el panderu cuadráu o’l pandoiru, típicu esti últimu de la zona d’Arenas de Cabrales.
Según Sánchez, nengún d’estos instrumentos cuerre peligru de desapaición, sinón “más bien al contrariu”. Señaló un “creciente interés cultural” polos mesmos y destacó’l casu concretu del taller de construcción de trompes o birimbaos (otru idiófonu), que dende’l 2004 funciona en Taramundi, y otros casos como’l del odre o ballicu, que “los vi utilizar en munchos sitios”, comentó.
Matizó qu’aproximadamente un 30% de los participantes na so tesis doctoral “yá morrió” y sin embargu, sigue percibiendo “l’interés de la xente” pola percusión.
Calcó especialmente panorama de la pandereta, instrumentu tradicioanl n’Asturies que nos últimos años, según sánchez, esperimentó un puxu importante que tuvo “como puntu de partida” el trabayu de Lisardo Lombardía, actual director del Festival Intercélticu de Lorient, espeyáu nos discos ‘Muyeres’.
Destacó al respeuto’l “altu nivel” de los intérpretes d’esti instrumentu nesti momentu, ente los que señaló a Eva Tejedor, a Maribel López Parrondo, y a “munches señores del oriente y del suroccidente que toquen mui bien”, añadió.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s