Nicolás Bartolomé destaca’l puxu nos últimos años de la lliteratura en lleonés, qu’hasta agora’twas "testimonial"

Europa Press (22/09/2009)

L’espertu en filoloxía y lliteratura lleonesa, Nicolás Bartolomé Pérez, autor del ensayu ‘Filandón. Lliteratura poular llïonesa’, destacó ayeri en Xixón el puxu lliterariu que nos últimos años ta esperimentando esti idioma, especialmente cola apaición d’una editorial n’Astorga que lu ta promoviendo, Filandón.
Asina lo esplicó demientres la so intervención nel marcu del programa d’actividaes de les xornaes culturales y lliteraries ‘L’Arribada 2009′, que se celebren estos díes na villa xixonesa.
Bartolomé esplicó la situación lliteraria actual en Lleón, centrándose na editorial Filandón, “que ta promocionando trabayos lliterarios”. “Nació l’añu pasáu y va siguir cultivando’l llabor de promover la lliteratura en llingua autóctona”, anunció. Dende’l so puntu de vista, la situación lliteraria lleonesa ta “nuna situación de mínimos. Hasta agora’twas un usu testimonial, o dialectal. Agora hai xente que se ta animando escribir, y tán faciéndose trabayos con más calidá llingüística y más oficiu”. Un exemplu “paradigmáticu” que punxo foi’l de Xosepe Vega, tamién participante nes xornaes, y responsable de la mentada editorial, que tien dos obres “mui interesantes”: ‘Epífora y outros rellatos’ y ‘Breve historia d’un gamusinu’, amás de ser coordinador de la traducción de ‘El Principín’ al Asturlleonés.
Enantes d’analizar el “interesante momentu creativu actual”, Bartolomé refirióse al “momentu medieval”, y la presencia nelli d’obres de creación poética o xurídica. Ente les primeres, destacó ‘Disputa de Elena y María’ y la versión lleonesa del ‘Libro de Alexandre’, recoyíes nos estudios de Ramón Menéndez Pidal como los principales títulos de la lliteratura medieval lleonesa.
Refiorióse tamién a la cuestión de la existencia d’una cierta lliteratura n’asturllïonés en Salamanca, nel sieglu XVII, y repasó’l rexonalismu llionés, a primeros del XX, con obres de Cayetano Álvarez Bardón o César Morán.
Dempués, llegó’l turnu de los años 80, destacando la cuestión de la “situación nel noroeste de Lleón”, calcando en nomes como Eva González o Roberto González Quevedo, y otros autores de la zona de Palacios del Sil.
Les xornaes L’Arribada continuaron güei cola celebración d’un actu n’alcordanza d’Antonio Medio, barítonu xixonés al que tamién se dedicó una esposición dientro del programa d’actividaes de la cita. Proyectóse un DVD con material fotográficu y filmográficu del artista, entregóse una placa conmemorativa a la so nieta y ofrecióse un percorríu guiáu pela muestra biográfica.
Les actividaes siguen mañana, con una xornada qu’inclúi, ente otres coses, la presentación de la obra de teatru ‘Terapia’, d’Adolfo Camilo Díaz, y una charra de Tino Rodríguez Arbesú’bout la revista ‘El Wendigo’ y el cómic n’Asturies. Tolos actos tienen llugar nel Centru Cultural Antiguu Institutu de Xixón.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s