Les Noticies (18/09/2009)
Ún de los momentos más llamativos de L’Arribada, l’alcuentru lliterariu que se ta celebrando en Xixón dende’l martes 15 de setiembre, ye la llegada en barcu de los escritores participantes. L’actu ta previstu pal sábadu 19, a les cinco de la tarde, nel puertu deportivu de Xixón. Depués de la llegada del barcu, los escritores van dir acompañaos d’un pasacáis de la Banda de Gaites de Corvera d’Asturies, hasta llegar al patiu del Centru de Cultura Antiguu Institutu (CCAI). Ellí va facese la inauguaración oficial de L’Arribada.Les actividaes siguen nel CCAI a les 18 hores, cuando se va proyectar el documental L’últimu chalgueiru. A les 19.15 ye’l momentu pal homenaxe que l’alcuentru lliterariu va dedicar a Nené Losada Rico, un actu que coordina Aurora García Rivas, encargada de facer una semblanza de la escritora valdesana. Tamién Antón García va lleer otru testu n’alcordanza de la poetisa. Depués, dellos escritores, autoridaes polítiques y representantes d’instituciones culturales van recitar poemes de Nené Losada. La xornada va ciarrase a les 20.30 hores cola presentación de los Premios Nené Losada, publicaos na Editorial Universos. Actos pa güei vienresOtra manera, la xornada de güei va tar dedicada dafechu al cine, con una tertulia a les 18.30 hores nel patiu del CCAI sobre’l mitu de Prometéu nel cine. Van intervenir Chus Parrado, Alberto Álvarez Peña, David M. Rivas y Illán Gonzali. Depués, a les 19.30 hores, na sala de conferencies del mesmu edificiu, va proyectase Eraserhead, de David Lynch, subtitulada n’asturianu.
arribada.wordpress.com 