ARRIBADA 2009: El 14 de setiembre entama la edición más llarga de la Vagamar lliteraria y cultural

El prósimu 14 de setiembre entama la más llarga de les Arribaes feches’til la fecha. Dende qu’esti eventu apienza en 2006,’twere creciendo en conteníos y en duración. Cola coordinación, dende la primer edición del escritor y xestor cultural Humberto Gonzali, l’Arribada (Vagamar lliteraria y cultural) foi convirtiéndose pasu ente pasu nel foru más importante de los qu’añalmente vienen ellaborándose pa la promoción de la lliteratura asturiana. Nesti 2009 afayaremos un eventu que llogra l’afitamientu definitivu y qu’enancha la so programación pelo llargo de trés selmanes. Del 14 de setiembre al 3 d’ochobre l’Arribada ufiertará recitales, homenaxes a lliteratos del país, esposiciones, presentaciones de llibros, tertulies, ponencies, comunicaciones, actuaciones d’estremada triba, que vertebrarán unes intenses xornaes col envís de facer visibles pa la ciudadanía asturiano los productos culturales y lliterarios de la nuestra comunidá autónoma. En Xixón, dende’l 15 de setiembre y’til’l 30 del mesmu mes, les actividaes desarrollaránse nel Centru de Cultura Antiguu Institutu, allugáu na cai Jovellanos 21. Del 1 al 3 d’ochobre éstes van abellase nel Muséu del Ferrocarril de la mesma ciudá, na Plaza Estación del Norte, teniendo amás un actu de la estaya Sones, protagonizáu por Toli Morilla, nel pub Ca Beleño. En Villaviciosa, el 14 de setiembre, desarrollaráse una intensa xornada na Sala Polivalente de la Plaza Obdulio Fernández, abriendo asina un camín nuevu, el d’Arribaes per Asturies, que nagua por venceyar a esti eventu a un conceyu asturianu cada añu. Nel casu de Villaviciosa, l’Arribada cuenta cola collaboración de l’asociación maliaya La Compaña del Ronchel, lo que va facilitar qu’en toles ediciones haya una día con actos nesi conceyu llindante col de Xixón.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s