L’Academia de la Llingua publica trés cartafueyos’bout la toponimia de Carreño

L’Academia de la Llingua Asturiana acaba publicar trés cartafueyos nuevos de la so colección dedicada al estudiu y recuperación de la toponimia tradicional asturiana. Nesta ocasión, estos númberos (124, 125 y 126) tán centraos nel conceyu Carreño, concretamente nes parroquies de Carrió, Prevera y El Pieloro. Los sos autores son dos filólogos mozos del mesmu conceyu de Carreño: David Fernández Fernández y Xurde Fernández Fernández, esti últimu escritor de llibros de rellatos como Volver o de noveles como La espera.
Según l’Academia, nesta colección arrecuéyense los nomes de llugar asturianos al traviés de la tradición oral, con una descripción curtia de caún d’ellos gracies a les informaciones de falantes y conocedores de la xeografía. Los datos que van asoleyándose nestos cartafueyos valdrán pa que, nel so día, pueda espublizase una obra xeneral del dominiu llingúísticu asturianu que pueda llevar de nome Corpus Toponimicum Asturiarum, onde van inxertase los datos documentales amañosos pa un bon estudiu llingüisticu, históricu y antropolóxicu.
Otramiente, l’Academia de la Llingua encamienta a toes aquelles persones interesaes que manden toles observaciones qu’al respective d’estos trabayos-yos parezan oportunes.
Imprimir
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s