Venti años de ‘Augua d’invocación’

Retratu d’Humberto Gonzali, obra d’Helios Pandiella, qu’apaez n’ Augua d’invocación (1988)
En 1988, y col númberu 3 na colección de poesía d’Alvízoras Llibros, l’escritor Humberto Gonzali, vía publicáu’l que diba ser el so primer llibru, un poemariu allabáu pola crítica d’entós tituláu Augua d’Invocación. Cúmplense agora los venti años d’un volume que se convirtiera nuna referencia esencial pa la llírica asturiana contemporania. A mou de recordatoria del aniversariu publicamos unu de los poemes del llibru.
Tastiaremos, mante,
toles islles de verde mestura,
tol ermu agasayáu pola atrevencia de los aliendos,
ente fondingayaes pasu ente pasu amoyecíes
alitando, alitando
nos requexos gratos d’almibre cortesanu.
Y ello, mante,
aburiaos pol martiriu sublime
d’anatomíes comu vino tirano,
que muerre rigurosamente o xorrez de fogaral
damasquináu,
siempres en cada amenistramientu prodixosu
onde asonsañamos la llucha permanente
de la dríada
y el sátiru.

Imprimir

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s