Arribada a bon puertu

EL COMERCIO. 21.09.08. HUMBERTO GONZALI

YÁ son más de tres decenios los que pasaron dende l’empiezu d’un procesu de recuperación de la nuestra lliteratura. Un tiempu que dio llogros, estremaos y abondantes, como pa ser a xustificar un balance optimista. Añu tres añu, la presencia de les nuestres lletres vieno a ser dalgo cada vuelta más notorio nel ámbitu de la cultura d’Asturies. Poro, cuando en 2006 entamamos la primer Arribada,’twas muncho lo que podíemos amosar a la xente. Y con esi envís, el de facer enforma visible la lliteratura fecha na llingua del país, foi que construimos un foru abiertu, democráticu, arreyáu a les estayes sociales implicaes na cultura, onde’tis posible la participación de lliteratos, investigadores, editores, estudiosos y ciudadanía.
Arribamos a un puertu afayaízu, que naguamos por convertir en referente fundamental cuando falamos de la más significativa de les señes d’identidá de nuestro; la llingua. Y asina, en virtú d’enfotu talu, L’Arribada 2008 dio un importante reblagu, enanchando l’apoyu institucional, d’entidaes culturales y sociales, axuntando un bon númberu de collaboradores de tou tipu, pa perfacer un programa onde s’espeya xeneroso la collecha última de la lliteratura asturiana y les sos influencies. Esta edición de L’Arribada acueye 35 presentaciones lliteraries, dos homenaxes, un piñu ponencies, la proyección de cuatro películes, actuaciones musicales, cuentacuentos, una amuesa d’indumentaria tradicional, el segundu festival de poesía y delles llectures poétiques, tertulies, esposiciones, ente más otres actividaes.
Nos años vinientes, dende equí, tendremos d’arribar tamién a otros puertos, de la que seyamos p’abrir caminos na mar cantábrica que nos empobinen a riberes y cultures hermanes, o de la que lleguemos a otres llatitúes atopando llonxanes mares.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s