Humberto Gonzali: «Nun pensamos n’afitar nengún tipu de canon»

VAGAMAR2007.01A
LES NOTICIES. 12-09-08. Dende l’añu 2006, la d’Humberto Gonzali (Figareo, Mieres, 1961)’tis la cabeza visible de L’Arribada, l’alcuentru que l’asociación cultural del mesmu nome entama en Xixón col determín d’espeyar la situación de la cultura del país. El vienres 12 de setiembre empieza la tercer edición d’estos alcuentros, que se van celebrar’til’l sábadu 20 nel Centru de Cultura Antiguu Institutu.
MIGUEL BARRERO
Empieza estos díes la tercer edición de L’Arribada. ¿Con qué espectatives la encara teniendo en cuenta les dos ediciones anteriores?
-Podemos dicir que na primer edición queríemos abrir camín, que na segunda quiximos clarificar un poco per ónde podía dir esti eventu y qu’agora, na tercera, tamos delantre del afitamientu o la consolidación práctica del proyectu.
¿Y cómo se planifica un alcuentru d’estes característiques?
-La cuestión’tis pensar qué temes vas tocar y qué premises vas siguir. Nun hai otra dinámica de trabayu. Caún apurre les sos idees y pon enriba la mesa les directrices que según él pueden guiar la edición correspondiente.
La primer edición de L’Arribada contó namás cola participación d’autores asturianos, mentes que la segunda tuvo en cuenta a escritores d’otres partes del Estáu. Nesta tercer convocatoria inclúyense apartaos nuevos, como ún dedicáu al cine…
-La idea fundamental’tis que, partiendo del fechu innegable de que tenemos una realidá cultural específica d’esti país que se llama Asturies, tamos inxertaos nuna cultura más universal, y lo que queremos’tis qu’en L’Arribada vaigan uniéndose corrientes lliteraries y culturales de la contorna más cercana, que pueden ser tanto l’Estáu como de los países del Arcu Atlánticu o cultures de más lloñe que tienen dalguna vinculación histórica, llingüística y cultural con nós. L’Arribada’tis un eventu centráu na promoción de lo propio, pero que tamién quier tar nesa canal internacional que’tis’l verdaderu multiculturalismu: comprender les realidaes distintes partiendo de la interpretación de la realidá que tenemos nel nuestru entornu tolos díes.
El fechu d’entamar un alcuentru lliterariu d’estes característiques, ¿implica la voluntá d’establecer un determináu canon na lliteratura asturiana?
-Establecer un canon implica facer compartimentos estancos. La nuestra idea’tis que l’espíritu de L’Arribada sía abiertu, mui porosu. Queremos que tea en contactu de contino con munches realidaes y munches formes de ver les cuestiones. Nun queremos afitar nengún tipu de canon nin marcar referencies, sinón esponer la realidá lliteraria y cultural del país, toles formes qu’equí tenemos de ver y entender la lliteratura, que’tis l’elementu principal del certame.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s