Palabres del coordinador de l’Arribada nel apienzu de la edición de 2006

Mesa inaugural na edición de 2006. D’esquierda a derecha Carmen Rúa,
Francisco Javier García Valledor y Humberto Gonzali

Yá son tres decenios. Trenta años dende l’empiezu d’un procesu de recuperación de la nuestra lliteratura, esa qu’esistía dende’l sieglu XVII. Trenta años que dieron llogros, estremaos y abondosos, como pa xustificar un balance optimista. Añu tres añu, la presencia de les nuestres lletres vieno a ser dalgo notorio nel ámbitiu de la cultura d’Aturies. Pasu ente pasu un colectivu d’escritores, cada vegada más numberosu, foi a ufiertar al llector obres de gran calidá, guapamente comparables coles meyores de cualesquiera otra lliteratura. Por eso, cuando emprima l’arribada 2006,’tis muncho lo que podemos amosar a la xente. Y con esi envís, de facer enforma visible la lliteratura fecha na llingua del país, entamamos un foru abiertu, democráticu, arreyáu a les estayes sociales implicaes na cultura, onde sía posible la participación de lliteratos, investigadores, editores, estudiosos y ciudadanía.
Arribamos al puertu de Xixón’cause tenemos l’enfotu de convertir a esta villa na capital de la lliteratura n’asturianu. Tenemos l’enfotu de facer d’ella, y del so conceyu, referentes fundamentales cuando falemos de la más significativa de les nuestres señes d’identidá, la llingua. Y dende Xixón, tendremos d’arribar a otros puertos, siguiendo los nuevos rumbos de la lliteratura asturiana, de la qu’abramos caminos na mar cantábrica que nos empobinen a riberes y cultures hermanes. N’ochobre d’esti añu apenzamos una xera, que fadrá de los llibros y de los sos autores la meyor tarxeta de presentación pa Xixón y p’Asturies.
Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s