L’escritor Xuan Xosé Sánchez Vicente recibiendo’l Premiu Timón de 2008
Col envís de fallar el Premiu Timón correspondiente a la so tercera edición, formóse un xuráu integráu por Adolfo Camilo Díaz, Luis Castelerio, Roberto Colunga, Antón García, Aurora García Rivas, Humberto Gonzali, Xosé Nel Riesgo, David M. Rivas y Xuan Xosé Sánchez Vicente. El Premiu Timón instauróse pa reconocer trayectories lliteraries en llingua asturiana o en gallego-asturianu d’especial valir. Pa ello, esti añu’l plazu de presentación de candidatures trescurrirá hasta’l 30 d’agostu viniente. Estes candidatures puen tar presentaes por una persona o un colectivu nes señes de corréu electrónicu que siguen: larribada@gmail.com.
Pa esta edición, opten al gallardón los/es escritores que nacieren nel añu 1.959 o antes. Esta distinción, que consiste nuna obra del escultor y ceramista xixonés Jesús Castañón, entregaráse demientres la celebración de l’Arribada 2009. Los ganadores anteriores fueron, en 2007, la va poco fallecida Nené Losada Rico y, en 2008, Xuan Xosé Sánchez Vicente.
Pa esta edición, opten al gallardón los/es escritores que nacieren nel añu 1.959 o antes. Esta distinción, que consiste nuna obra del escultor y ceramista xixonés Jesús Castañón, entregaráse demientres la celebración de l’Arribada 2009. Los ganadores anteriores fueron, en 2007, la va poco fallecida Nené Losada Rico y, en 2008, Xuan Xosé Sánchez Vicente.
0 Respuestas a “Formáu’l xuráu del III Premiu Timón”